پارتی کەرنەڤاڵێکی گەورە و جیاوازی لە دهۆک ڕێکخست

ئاڤا نیوز

سێیەم کەرنەڤاڵی پارتی دیموکراتی کوردستان لە دهۆک تەواو جیاواز بوو، چونکە یەکەمجار بوو لەماوەی هەڵمەتی بانگەشەی خولی شەشەمی پەرلەمانی کوردستان، نێچیرڤان بارزانی و مەسرور بارزانی، جێگرانی سەرۆکی پارتی پێکەوە و هاوشان بەشداریی لە کەرنەڤاڵێکدا بکەن.

 

وێنە گەورەکە: ئەمڕۆ شەممە لە یاریگای بە ئامادەبوونی نزیکەی 60 هەزار لایەنگری پارتی، سێیەمین كەرنەڤاڵی گەورەی جەماوەری لیستی 190ی پارتی لە یاریگای دهۆک سازکرا.

 

لێدوانی فەرمی: نێچیرڤان بارزانی، جێگری سەرۆکی پارتی دیموکراتی کوردستان لە دەستپێکی وتارەکەیدا سڵاوی سەرۆک بارزانی گەیاندە دهۆکییەکان و دواتر گوتی، لەگەڵ برای خۆم مەسرور بارزانی هاتووین پەیامی خۆمان و سەرکردایەتی پارتی بۆ ڕێبازی بارزانی نوێ بکەینەوە.

 

هەر لە وتارەکەیدا، نێچیرڤان بارزانی ستایشی ڕۆڵی مەسرور بارزانی کرد، لە سەرکردایەتیکردنی کابینەی نۆیەم و بە سەرکەوتوو وەسفی کرد بەرامبەر هەموو قەیرانەکان.

 

لەلایەکی دیکەوە: مەسرور بارزانی، جێگری سەرۆکی پارتی دیموکراتی کوردستان ڕایگەیاند: ئەوانەی پەیامی ڕووخان و تێکدانیان هەیە پێیان دەڵێین: ناتوانن.