فوئاد حوسێن ڕەتی دەکاتەوە ئاسمانی عێراق لە دژی وڵاتان بەکاربهێنرێت

ئاڤا نیوز

 

وەزیری دەرەوەی عێراق لە کۆنگرەیەکی هاوبەش لەگەڵ هاوتا ئێرانییەکەی ڕەتیکردەوە ئاسمانی عێراق بۆ هێرشکردنە سەر وڵاتان بەکاربهێنرێت و هۆشداریی لە فراوانبوونی جەنگەکەش دا.  

 

وێنە گەورەکە: فوئاد حوسێن، وەزیری دەرەوەی عێراق لەگەڵ عەباس عێراقچی، وەزیری دەرەوەی ئێران لە بەغدا کۆبووەوە و کۆنگرەیەکی ڕۆژنامەوانیی هاوبەشیان بەست، هەردوولا جەختیان لەسەر ڕاگرتنی جەنگی غەززە و لوبنان کردەوە.

 

ڕاگەیێنراوی فەرمی: فوئاد حوسێن، وەزیری دەرەوەی عێراق ڕایگەیاند: ناوچەکە ڕووبەڕووی ئاڵنگاریی چارەنووسساز بووەتەوە بەهۆی بەردەوامیی جەنگی غەززە و لوبنان کە هەڕەشەیە بۆ ئاسایش و سەقامگیریی ناوچەکە و عێراق، لەو بارەیەوە هۆشداری لە فراوانبوونی جەنگەکە دەدات.

 

فوئاد حوسێن باسیشی لەوە کرد: "عێراق بڕیاری جەنگی نەداوە و ئەو جۆرە بڕیارە تەنیا لە دەسەڵاتی دەوڵەتدایە بە هەر سێ دەسەڵاتەکەیەوە، لە ئەگەری فراوانبوونی جەنگەکە کاریگەریی لەسەر کەشتییە نێودەوڵەتی و سەرچاوەکانی وزە دەبێت و قەیرانێکی جیهانی دروست دەبێت.