لە سۆران كارگەیەكی ڕیسایكلینی خاشاک دروست دەكرێت

ئاڤا نیوز

 

بە گوژمەی 24 ملیار دینار، كارگەیەكی ڕیسایكلینی خاشاک لە شاری سۆران دروست دەكرێت.

 

وێنە گەورەكە: ئەمڕۆ دووشەممە 14-10-2024، لە ڕێوڕەسمێکدا بەردی بناغەی كارگەی ڕیسكایكلینی خاشاك لە شاری سۆران دانرا.

 

زانیاریی بەدەستهاتوو: كارگەكە لەسەر ڕووبەری 50 دۆنم دروست دەكرێت و ڕۆژانە 400 تۆن خاشاک چارەسەر دەکات، هاوکات ڕۆژانە 100 کرێکار کاری تێدا دەکەن.

 

لێدوانی فەرمی: ساسان عەونی، وەزیری شارەوانی و گەشتوگوزار ڕایگەیاند: کارگەی ڕیسایکلینی سۆران چارەسەری خاشاکی سێ زۆن دەکات، سۆران و مێرگەسۆر و چۆمان لەگەڵ کارگەکەدا چارەسەری پاشماوەی نەخۆشخانەکانیش چارەسەر دەکرێت، هەروەها پاشماوەی خانووبەرە و چەند بوارێکی دیکەش چارەسەر دەکات.

 

لەلایەكی دیكەوە: هەڵگورد شێخ نەجیب، سەرپەرشتیاری ئیدارەی سەربەخۆی سۆران ڕایگەیاند: کارگەی ڕیسایکلینی سۆران یەکێکە لەو کارگانەی بۆ سۆران زۆر گرنگە و پێویستییەک بوو بۆ ئەو ئەوەی بتواندرێت ژینگەی ئەو ناوچەیە بپارێزێت، بەهۆی ئەو پڕۆژەیەوە کێشەیەکی گەورەی خاشاک لە سۆران چارەسەر دەبێت.