چین 153 فڕۆکەی جەنگی لە گەرووی تایوان جێگیر دەکات

ئاڤا نیوز

 

گرژی و ئاڵۆزییەکانی نێوان چین و تایوان تا دێت زیاتر دەبێت، چین چەندین فڕۆکەی جەنگی و مووشەکی دوور هاوێژی لە نزیک گەرووی تایوان جێگیر کردووە.

 

وێنە گەورەکە: ڕۆژی ڕابردوو، چین بە فڕۆکەی جەنگی و فڕۆکەی بێ فڕۆکەوان و کەشتی جەنگی مانۆری سەربازی لە گەرووی تایوان دەستپێکرد.

 

ڕاگەیێنراوی فەرمی: وەزارەتی بەرگری تایوان ڕایگەیاند: چین 153 فڕۆکەی جەنگی و 14 کەشتی هێزی دەریایی لە گەرووی تایوان جێگیر کردووە کە، ئەمەش ژمارەیەکی پێوانەییە بەرامبەر تایوان.

 

ئەوەش بزانە: چین، تایوان بە بەشێک لە خاکی خۆی دەزانێت، ئاماژەی بۆ ئەوەش کردووە کە هەرگیز دەستبەرداری نابێت تا دوورگەکە بە تەواوی نەخاتە ژێر کۆنتڕۆڵی خۆیەوە.