نەتانیاهۆ: هێرشەکەی سەر ئێران هەموو ئامانجەکانی پێکا

ئاڤا نیوز

 

بنیامین نەتانیاهۆ، سەرۆکوەزیرانی ئیسرائیل، دوای هێرشی وڵاتەکەی بۆ سەر ئێران پەیامێکی بڵاوکردەوە و ڕایگەیاند، "هێرشەکە ورد بوو و ئامانجەکانی پێکا".

 

ڕاگەیێنراوی فەرمی: بنیامین نەتانیاهۆ، سەرۆکوەزیرانی ئیسرائیل ڕایگەیاند: ئیسرائیل لە "جەنگێکی سەخت و درێژخایەن دایە و بۆیە باجێکی قورس دەدات".

 

لەلایەکی دیکەوە: لە بەشێکی دیکەی پەیامەکەیدا سەرۆکوەزیرانی ئیسرائیل ڕوویکردە خەڵکی ئێران و گوتی، "شەڕی ئێمە لە دژی ئێوە نییە".

 

ئەوەش بزانە: بەبۆنەی ئەنجامدانی هێرشەکەی سەر ئێران، نەتانیاهۆ پیرۆزبایی له فڕۆکەوانە بەشدارەکان و سەرۆک ئەرکان و سه رۆکی دەزگای هەواڵگری وڵاتەکەی کرد.

 

باکگراوند بەرەبەیانی ڕۆژی شەممە 2024/10/26 ئیسرائیل بە دوو قۆناغ هێرشی ئاسمانی کردە سەر چەند بنکەیەکی سەربازیی ئێران لە پارێزگاکانی تاران و ئیلام و خۆزستان، وەک وەڵامێک بۆ هێرشە مووشەکییەکەی تاران بۆ سەر ئیسرائیل لە مانگی ڕابردوودا. هێرشەکە کاردانەوەی ناوچەیی و نێودەوڵەتیی بەدوای خۆیدا هێنا.