ئەمریکا هۆشداریی دەداتە ئێران لەبارەی هێرشکردنە سەر ئیسرائیل

ئاڤا نیوز

 

ئەمریکا لەبارەی هێرشکردنە سەر ئیسرائیل لەلایەن ئێرانەوە هۆشداریی دەدات و دەڵێت، لێکەوتەکانی خراپ دەبن. 

 

وێنە گەورەکە: دوێنی 28-10-2024، ئەنجوومەنی ئاسایشی نەتەوەیەکگرتووەکان کۆبوونەوەیەکی تایبەتی ڕێکخست لەسەر پرسی هێرشەکەی ئیسرائیل بۆسەر ئێران و هەوڵدان بۆ ئارامکردنەوەی ڕۆژهەڵاتی ناوەڕاست، هەموو لایەنەکان  لەسەر ئەوە کۆکبوون کە پێویستە چارەسەری دیپلۆماسی چارەسەری سەرەکی کێشەکان بێت.

 

ڕاگەیێنراوی فەرمی: لیندا تۆماس گرینفێلد، باڵیۆزی ئەمریکا لە نەتەوە یەکگرتووەکان ڕایگەیاند: ئەگەر ئێران هێرش بکاتە سەر ئیسرائیل یان کارمەندانی سەربازی ئەمریکا لە ڕۆژهەڵاتی ناوەڕاست ئەوا ڕووبەڕووی دەرئەنجامی سەخت دەبێتەوە. 

 

گرینفێلد ئاماژەیی بەوەشکرد، واشنتۆن ڕێوشوێنی یاسایی بۆ بەرگریکردن لە خۆی بەرامبەر هەر هێرشێک دەگرێتەبەر. 

 
کاریگەری و لێکەوتەکان: دوا بە دوای هێرشە مووشەکییەکانی ئێران بۆسەر ئیسرائیل، نزیکە 200 مووشەکی ئاڕاستەی ئەو وڵاتەکرد وەکو کاردانەوەیەک لەبەرامبەر کوشتنی حەسەن نەسروڵڵا و  بەشێکی تر لە بەرپرسە باڵاکانی حیزبوڵلای لوبنان، دواتر ئەمریکا سزای زیاتر بەسەر ئێراندا سەپاند.