سەرۆکوەزیران مەسرور بارزانی پیرۆزبایی لە د.مەحموود مەشهەدانی دەکات

ئاڤا نیوز

 

سەرۆكوەزیران مەسرور بارزانی، لە پەیوەندییەكی تەلەفۆنیدا پیرۆزبایی لە مەحموود مەشهەدانی سەرۆكی نوێی ئەنجوومەنی نوێنەرانی عێراق دەكات.

ڕاگەیێنراوی فەرمی: بەپێی ڕاگەیێنراوی فەرمی حكومەتی هەرێمی كوردستان، ئەمڕۆ هەینی 1-11-2024، سەرۆكوەزیران مەسرور بارزانی، لە پەیوەندییەکی تەلەفۆنیدا، پیرۆزبایی لە مەحموود مەشهەدانی کرد بە بۆنەی هەڵبژاردنی بە سەرۆکی ئەنجوومەنی نوێنەرانی عێراق و هیوای سەرکەوتنی لە ئەرکەکەیدا بۆ خواست.
 
ئەوەی پێویستە بیزانیت: سەرۆکی ئەنجوومەنی نوێنەرانی عێراق، سوپاس و پێزانینی خۆی بۆ پەیوەندیی سەرۆكوەزیران مەسرور بارزانی دەربڕی و دڵنیایی دا کە پشتیووان دەبێت لە جێبەجێکردنی دەستوور و چارەسەرکردنی کێشەکانی نێوان هەرێمی کوردستان و حکومەتی فیدراڵ.

 

ئەوەی پێویستە بیزانیت: دوای نزیکەی ساڵێک لە دوورخستنەوەی محەممەد حەلبووسی لە سەرۆکایەتی پەرلەمانی عێراق و ڕێکنەکەوتنی لایەنە سوننەکان لەسەر کەسێک بۆ شوێنگرتنەوەی، شەوی ڕابردوو مەحموود مەشهەدانی بە دەنگی 181 ئەندامانی پەرلەمان وەک سەرۆکی پەرلەمانی عێراق هەڵبژێردرا.