کۆریای باکوور دڵنیایی لە پاڵپشتیکردنی ڕووسیا تا "سەرکەوتن" دەدات

ئاڤا نیوز

 

چۆی سۆن هوی، وەزیری دەرەوەی کۆریای باکوور لە سەردانێکەیدا بۆ مۆسکۆ پاڵپشتی پیۆنگیانگی بۆ مۆسکۆ لە شەڕی دژ بە ئۆکرینا بۆ ئەو وڵاتە دووپاتکردەوە.

 

وێنە گەورەکە:  ئەم هەڵوێستەی کۆریای باکوور لە کاتێکدایە لەماوەی ڕابردوودا میدیاکانی ئەمریکا هەواڵی ڕەوانەکردنی هەزاران سەربازی کۆریای باکووری بۆ ناو خاکی ڕووسیا و دواتر ناردنیان بۆ بەرەکانی شەڕ لە ئۆکراینا، بڵاوکردەوە. ئەمەش کاردانەوەی توندی وڵاتانی ڕۆژئاوای لێکەوتەوە و ئەم هەنگاوەی کۆریایان بە مەترسیدار ناوبرد.

لێدوانی فەرمی: چۆی سۆن هوی، وەزیری دەرەوەی کۆریای باکوور ڕایگەیاند: بە هیچ شێوەیەک گومانمان نییە لەوەی سوپای ڕووسیا و گەلی ڕووسیا سەرکەوتنی گەورە بەدەستدەهێنن لە شەڕی پاراستنی سەرەوەری خاکەکەیان، ئێمەش دڵنیایی دەدەین لەوەی تا سەرکەوتنی ڕووسیا لەگەڵیان دەبین.

زانیاریی زیاتر: لە هاوینی ئەمساڵ ڤلادمیر پووتین، سەرۆکی ڕووسیا سەردانی کیم جۆنگ ئوون، سەرۆکی کۆریای باکووری کرد لە پیۆنگیانگ و واژۆیان لەسەر پشتیووانی سەربازیی کۆریا بۆ ڕووسیا کرد.

 

باکگراوند: لەشکرکێشی ڕووسیا بۆ سەر ئۆکراینا لە شووباتی 2022 دەستی پێکرد، بە پشتیووانی سەربازیی وڵاتان بۆ هەردوو وڵات تاوەکو ئێستا شەڕەکە بەردەوامە.