ئیلۆن مەسک: ترەمپ هەڵبژێرن یان سیستمی دوو حیزبی کۆتایی دێت

ئاڤا نیوز

 

ئیلۆن مەسک ڕایگەیاند، هەڵبژاردنەکانی ئەمڕۆی ئەمریکا چارەنووسی دیموکراسی ئەمریکا دیاری دەکات.

 

وێنە گەورەکە: ئەمڕۆ دەنگدانی گشتیی ئەمریکا دەستپێدەکات و زیاتر لە 244 ملیۆن کەس مافی دەنگدانیان هەیە و نزیکەی 130 هەزار ناوەندیش لە سەرتاسەری وڵاتەکە بۆ دەنگدەران تەرخانکراوە.

 

لێدوانی فەرمی: ئیلۆن مەسک، سەرمایەداری ئەمریکی خاوەنی تۆڕی کۆمەڵایەتیی ئێکس و کۆمپانیایی سپەیس ئێکس ڕایگەیاند: ''ئەگەر ترەمپ هەڵنەبژێرین، دیموکراسی لەم وڵاتە و سیستمی دوو حزبی لەدەست دەدەین، هاوکات گوتیشی ئەم هەڵبژاردنە "دواین دەرفەتە بۆ پاراستنی دیموکراسی لە ئەمریکا".

 

لەلایەکی دیکەوە: حیزبی دیموکرات " ژمارەیەکی زۆر لە کۆچبەرانی نایاسایی لە ویلایەتە خۆڵەمێشییەکان وەرگرتووە و  هۆشداری دا لەوەی ئەمە دەتوانێت ئەم ویلایەتانە بکاتە ویلایەتی  هەمیشەیی دیموکرات''.