وەزارەتی خوێندنی باڵا لەبارەی گواستنەوەی قوتابیانی قۆناغی یەک ڕوونکردنەوە دەدات

ئاڤا نیوز

 

وەزارەتی خوێندنی باڵا و توێژینەوەی زانستیی حکومەتی هەرێمی کوردستان، داوا دەکات هیچ نووسراوێک بۆ گواستنەوەی قوتابیانی قۆناغی یەکی زانکۆ و پەیمانگەکان نەکرێت.

 

ڕاگەیێنراوی فەرمی: ڕۆژی 5-11-2024، وەزارەتی خوێندنی باڵا و توێژینەوەی زانستیی، نووسراوێکی بە واژۆی بەڕێوەبەری گشتیی خوێندن و پلاندانان، ئاراستەی سەرجەم زانکۆ و پەیمانگە حکومییەکان کردووە، ئاماژە بەوە دەکات، هیچ نووسراوێک بەمەبەستی گواستنەوە و میوانداری بۆ قوتابیانی قۆناغی یەکی زانکۆکان بۆ وەزارەت بەرزنەکەنەوە.

زانیاریی زیاتر: قوتابیانی وەرگیراوی قۆناغی یەک بەپێی کۆنمرەکانیان دەتوانن داوای گۆڕینی شوێنی وەرگرتنیان بکەن، بەڵام بەهیچ شێوەیەک ناتوانن داوای گواستنەوە و میوانداری بکەن.