ژمارەیەکی دیکەی ئاوارەی شنگال دەگەڕێنەوە زێدی خۆیان

ئاڤا نیوز

 

وەزارەتی کۆچ و کۆچبەرانی عێراق بەردەوامە لە هەوڵەکانی بۆ گەڕانەوەی ئاوارەکان بۆ زێدی خۆیان ئەمڕۆ ژمارەیەکی دیکەی ئاوارە لە پارێزگای دهۆک گەڕانەوە بۆ زێدی خۆیان.

 

وێنە گەورەکە: وەزارەتی کۆچ و کۆچبەرانی عێراق، ڕایگەیاند: ئەمڕۆ پێنجشەممە 7- 11- 2024 لە چوارچێوەی هەوڵەکانی حکومەتی عێراق بۆ گەڕانەوەی ئاوارەکان، نزیکەی 300 ئاوارەی کەمپی مام ڕەشان لە  پارێزگای دهۆک گەڕانەوە زێدی خۆیان لە شنگال.

 

زانیاریی زیاتر: ئەو ئاوارانەی دەگەڕێنەوە بۆ زێدی خۆیان هاوکاری دارایی و کەرەستەی فریاگوزاری و کەلوپەلی ناوماڵیان بەسەر دابەشدەکرێت.

ئەمەش بزانە: لە ماوەی دوو ڕۆژی ڕابردوو نزیکەی 400 ئاوارەی دیکە لە هەمان کەمپەوە گەڕانەوە شنگال.

 

ئەوەی پێویستە بیزانیت: حکومەتی عێراق بەردەوام ئاسانکاری بۆ گەڕانەوەی ئاوارەکانی نیشتەجێی کەمپەکان دەکات، بە تایبەتی کەمپەکانی هەرێمی کوردستان بە ئامانجی کۆتایی هێنان بە دۆسیەی ئاوارەکان و داخستنی کەمپەکان.