دوای زیاتر لە نیو سەدە ئەمریکا گەڕایەوە سەر مانگ

ئاڤا نیوز

دوای 52 ساڵ لە نیشتنەوەی کەشتیی ئاپۆلۆ لە سەر مانگ، جارێکی دیکە کەشتییەکی ئەمریکی لە سەر مانگ نیشتەوە، بەڵام بێ ئەوەی هیچ کەسێک لەگەڵ خۆی ببات. 

چیرۆکی سەرەکی: کەشتییەکە ناوی ئۆدیسیوس Odysseus ە و سەر بە کۆمپانیای ئینیشیەیتیڤ ماشینز Intuitive Machines ە، سەر بە کەرتی تایبەتە و پێگەی سەرەکیی لە تێکساسە. دوێنی پێنجشەممە توانی بەسەرکەوتوویی لە نزیک جەمسەری باشووری مانگ بنیشێتەوە.

لێدوانی فەرمی: ناسا نیشتنەوەی سەرکەوتووانەی کەشتییە ئاسمانییەکە بە دەستکەوتێکی گەورە ناودەبات کە ڕێگە بۆ گەڕانەوەی مرۆڤ بۆ سەر مانگ خۆش دەکات.

زانیاریی زیاتر: ئۆدیسیۆس لە شێوەی ڕۆبۆتێکی شەش پێدایە و بەرزییەکەی 4.3 مەترە. لە دروستکردنیدا ناسا بڕی 118 ملیۆن دۆلار هاوکاریی کۆمپانیاکەی کردووە. 

ئەمەش بزانە: کەشتییەکە دوای نیشتنەوەی لە ناردنی پەیام بۆ سەر زەوی کێشەی هەبوو، بەڵام دوای چەند کاتژمێرێک کێشەکە چارەسەر کراوە و چەند پەیامێکی ناردووەتەوە.

بۆ بینینی ڤیدیۆکە کلیک بکە