هێزی نیشتمانیی ئیتاڵیا هاوکاری پێشکەش بە نەخۆشخانەیەکی هەولێر دەکات

ئاڤا نیوز 

 

هێزەی زەمینی نیشتمانی ئیتاڵیا لە هەولێر، کەرستە و پێداویستى پزیشکی پێشکەش بە نەخۆشخانەی ڕاپەرینی فێرکاری بۆ منداڵان کرد.

 

وێنە گەورەکە: ئەمڕۆ یەکشەممە 10- 11- 2024، ئومێد خوشناو پارێزگاری هەولێر و کۆلۆنێل چۆرو فێرتى، فەرماندەى، هێزەی زەمینی نیشتمانی ئیتاڵیا کە لەچوارچێوەی هاوپەیمانى نێودەڵەتی هێزەکانى پێشمەرگە لە هەرێمی کوردستانن، لە ڕێوڕەسمێکدا ئامێرێکی "DC shock" و 6 ئامێری "Infusion pump" و 85 دۆشەکی تایبەت بە بێدیی نەخۆش و چەندین پێداویستی دیکەى پزیشکییان پێشکەش بە نەخۆشخانەی ڕاپەرینی فێرکاری بۆ منداڵان کرد.

 

زانیاریی زیاتر: لە ڕێوڕەسمەکەدا پارێزگارى هەولێر، تیشکى خستەسەر ئەوەى بە دابینکردنى ئەم خزمەتگوزارییە تەندروستییانە، دەتوانرێت زیاتر خزمەتی هاووڵاتییانى شارەکەمان بکرێت.

 

‏‎ئەوەی پێویستە بیزانیت: کابینەی نۆیەمی حکومەتی هەرێمی کوردستان لە پێناو گرنگیدان بە خزمەتگوزاری تەندروستی و لە خەمبوونی سەلامەتی هاووڵاتییان، بەردەوامە لە بەرزکردنەوەی ئاست و کوالێتی نەخۆشخانە گشتیی و ئەهلییەکان، ئێستا نەخۆشخانەی ڕاپەڕینی فێرکاری بۆ منداڵان لە ژێر نۆژەنکردنەوە دایە و بودجەی پێویستی لەلایەن پارێزگای هەولێرەوە بۆ دابینکراوە.