نەتانیاهۆ دیارییەک پێشکەش بە ترەمپ دەکات

ئاڤا نیوز

 

ئاژانسی واشنتن پۆست لە زاری بەرپرسانی ئیسرائیل بڵاویانکردەوە، کە ئیدارەی بنیامین نەتانیاهۆ، سەرۆکوەزیرانی ئیسرائیل سەبارەت بە ئاگربەستی لوبنان چەند پێشنیازێک وەک دیارییەک بۆ دۆناڵد ترەمپ، سەرۆکی هەڵبژێردراوی ئەمریکا پێشکەش دەکات.

 

چی ڕوودەدات: دوای دانوستاندنەکانی وەزیری کاروباری ستراتیژی ئیسرائیل لەگەڵ دۆناڵد ترەمپ بەمەبەستی بەدەستهێنانی پشتگیری لەلایەن ئیدارەی نوێی ئەمریکاوە کە لەلایەن ترەمپەوە بەڕێوەدەبرێت، چەند گۆرانکارییەک سەبارەت بە دۆخی لوبنان هاتە ئاراوە. 

 

زانیاریی بەدەستهاتوو: لە پێشنیازەکە داهاتووە '' بۆ ماوەی 60 ڕۆژ هێزەکانی حیزبوڵڵای لوبنان لەودیوی ڕووباری لیتانی و ناوچە سنوورییەکان  پێویستە بکشێنەوە و ڕادەستی سەربازانی لوبنان بکرێت و لە ژێر چاودێری ئەمریکا و بەریتانیا بەڕێوەببرێت.

 

لەلایەکی دیکەوە: یەکێکی دیکە لە پێشنیازەکان ئەوەیە، دەبێت بە هاوکاری ڕووسیا ڕێگری لە پڕ چەککردنەوەی حیزبوڵڵای لوبنان لە سنووری سووریا بکرێت، چونکە لە ڕێگەی سووریاوە ئێران چەک دەگەیێنێتە دەست حیزبوڵڵا، لەگەڵ ئەوەشدا ئیسرائیل داوای مافی دەستێوەردان دەکات لە دەروازە سنوورییەکان لە ئەگەری پێشڵکردنی هەر داواکارییەکی ئیسرائیل''.

 

ئەوەی لە بارەیەوە دەگوترێت: ''بڕیارە لەگەڵ دەستبەکاربوونی دۆنالد ترەمپ لە کۆشكی سپی لە مانگی یەکی ساڵی 2025، ئەم پێشنیازانەی نەتانیاهۆ بکرێنە بواری جێبەجێکردنەوە''.