ئیلۆن مەسک و باڵیۆزی ئێران لە نەتەوەیەکگرتووەکان کۆدەبنەوە

ئاڤا نیوز

 

ڕۆژنامەی نیۆیۆرک تایمزی ئەمریکی لە زاری دوو بەرپرسی ئێرانییەوە بڵاویکردەوە کە ئیلۆن مەسک، گەورە ملیاردێری ئەمریکی لەگەڵ ئەمیر سەعید ئیروانی، باڵیۆزی ئێران لە نەتەوەیەکگرتووەکان بەشێوەی نهێنی کۆبووەوەتەوە.

 

زانیاریی بەدەستهاتوو: بەگوێرەی زانیارییەکان کۆبوونەوەکە زیاد لە کاتژمێرێکی خایاندووە، ئامانج لە کۆبوونەوەکە کەمکردنەوەی گرژییەکانی نێوان ئێران و ئەمریکا بووە. سەرچاوەکە کۆبوونەوەکەی بە "ئەرێنی" و "دڵخۆشکەر" وەسف کردووە.

 

ئەمەش بزانە: مەسک بە یەکێک لە ڕاوێژکارانی نزیکی دۆناڵد ترەمپ، سەرۆکی هەڵبژێردراوی ئەمریکا دادەنرێت. لە کاتی بانگەشەی هەڵبژاردنەکاندا مەسک یارمەتی دارایی پێشکەشی ترەمپ کردووە.

 

لەلایەکی دیکەوە: ترەمپ ڕایگەیاندووە، لە ئیدارەی نوێ پۆستێکی حکومیی گرنگ بە مەسک دەدات.