دوای زیاتر لە حەوت ساڵ یەکەم بانگ لە منارەی حەدباوە دەدرێت

ئاڤا نیوز

دوای تێپەڕبوونی حەوت ساڵ بەسەر خاپوور کردنی لەلایەن چەکدارانی ڕێکخراوی تیرۆریستی داعش، جارێکی تر بانگ لە منارەی حەدباوە درا. 

 

وێنە گەورەکە: چەکدارانی ڕێکخراوی تیرۆریستی داعش، دوای ئەوەی لە 10ـی حوزەیرانی ساڵی 2014 هێرشیان کرد سەر شاری مووسڵ و شارەکەیان کۆنترۆڵ کرد، بەهۆیەوە چەندین ناوچەی شوێنەواری دێرین و مزگەوتیان بە تەواوی خاپوور کرد. هاوکات نزیکەی 500 هەزار کەس لە دانیشتووانی ئەو شارە ئاوارە بوون. 

 

لێدوانی فەرمی: ئەیوب زەننون، سەرۆکی دامەزراوەی کەلتووری موسڵ ڕایگەیاند: کارەکانی دووبارە دروستکردنەوەی منارەی حەدبا و مزگەوتی نووری بەیەکجاری تەواو بووە و لەداهاتوویەکی نزیکدا بەڕووی هاووڵاتییان دەکرێتەوە .

  
زانیاریی زیاتر: دوای کۆتاییهاتنی شەڕی ڕزگارکردنی مووسڵ، ڕۆژی 16ـی کانونی یەکەمی 2018 بە پاڵپشتی یونسکۆ بەردی بناغەی ئاوەدانکردنەوەی مزگەوت و مینارەکە دانرا.

 

ئەمەش بزانە: لە سەدەی شەشەمی کۆچی و پێش زیاتر لە 850 ساڵ لەمەوبەر، لە سەردەمی سوڵتان نورەدین زەنگی هەردوو مزگەوتی نووری و مینارەکەی کە بەجەدبا ناسراوە  لەلای ڕاستی مووسڵ دروستکراوە.