قاسم ئەعرەجی: نابێت ڕاستەوخۆ بە هێزەکانی هاوپەیمانان بگوترێت بڕۆن

ئاڤا نیوز

 

ڕاوێژکاری ئاسایشی نیشتمانیی عێراق ڕایگەیاند، هاتنی هاوپەیمانان لەسەر داوای عێراق بووە و پێویستە دەرچوونیان بە ڕێککەوتن بێت. 

 

لێدوانی فەرمی: قاسم ئەعرەجی، ڕاوێژکاری ئاسایشی نیشتیمانی عێراق، لە شەشەمین دیداری نێودەوڵەتیی بەغدا ئەمانەی گوت: 

• نابێت ڕاستەوخۆ بە هێزەکانی هاوپەیمانیی نێودەوڵەتی بگوترێت بڕۆن، بەڵکو دەبێت ڕێککەوتنی دوو قووڵی لەگەڵ ئەو هێزانە بکرێت، لیژنەی هاوبەش هەیە و حکومەت چاوەڕێی تەواوبوونی کاری لیژنەکانە.

• ئێستا لە عێراق ماددەی هۆشبەر هەڕەشەیە، نەک داعش، ئەو ژمارەی کە باس دەکرێت لەوەی چەکدارانی داعش لەنێوان پێنج بۆ حەوت هەزاردایە زیادەڕەوی تێدایە، داعش لە هەندێ ناوچەی سنووردار و شکەوت و شاخدا ماوە.

 

 زانیاریی زیاتر: هێزەکانی هاوپەیمانان لە 2014 بۆ هاوکاریکردن و ڕاوێژدان بە سوپای عێراق و هێزەکانی پێشمەرگە هاتوون.