عێراق داوای کۆبوونەوەیەکی خێرا لە کۆمکاری عەرەبی دەکات

ئاڤا نیوز

 

عێراق داوای کۆبوونەوەیەکی خێرای ئەنجوومەنی کۆمکاری عەرەبی دەکات، بۆ ڕووبەڕووبوونەوەی هەڕەشەکانی ئیسرائیل.

 

وێنە گەورەکە: ئیسرائیل نامەیەک بۆ ئەنجوومەنی ئاسایشی نێودەوڵەتی دەنێرێت و بۆ یەکەمجار ناوی هێزە چەکدارەکانی عێراق دەهێنێت و تۆمەتباریان دەکات بەوەی هێرشی کوشندەیان دژی ئیسرائیل ئەنجامداوە و بەپێی ڕێنمایەکانی ئێران پاڵپشتی دەکرێن لە لایەن حکومەتی عێراقەوە.

 

ڕاگەیێنراوی فەرمی: وەزارەتی دەرەوەی عێراق ڕایگەیاند: نوێنەری هەمیشەیی عێراق لە ئەنجوومەنی کۆمکاری وڵاتانی عەرەبی داوایەکی حکومەتی عێراقی پێشکەش بە ئەنجوومەنەکە کرد بۆ ئەنجامدانی دانیشتنێکی خێرا لەسەر ئاستی نوێنەری هەمیشەیی وڵاتانی ئەندام  لە کۆمکاری وڵاتانی عەرەبی.

 

ئەوەی لەوبارەیەوە دەگوترێت: وەزارەتی دەرەوەی عێراق ئاماژەی بەوەکرد، پەیامەکەی ئیسرائیل کە بۆ ئەنجوومەنی ئاسایشی نێودەوڵەتی ناردووە، بیانوویەکە بۆ هێرشکردنە سەر عێراق، بەمەبەستی گەیشتن بە هەوڵە بەردەوامەکانی بۆ فراوانکردنی ئاگری شەڕ لە ناوچەکەدا.