پێنتاگۆن: سەربازانی کۆریای باکوور بەشداری جەنگ دەکەن

ئاڤا نیوز

 

سەرەڕایی هۆشدارییەکانی کۆمەڵگای نێودەوڵەتی لەبارەی مەترسی فروانبوونی جەنگ، بەڵام وەزیری بەرگری ئەمریکا باس لەوە دەکات، بەمزووانە سەربازانی کۆریای باکوور بەشداری ڕاستەوخۆیان لە جەنگی نێوان ڕووسیا و ئۆکراینا دەبێت.

 

لێدوانی فەرمی: لۆید ئۆستن، وەزیری بەرگری ئەمریکا ڕایگەیاند، ئەمریکا پێشبینی دەکات، 10 هەزار سەربازی کۆریای باکوور لە ناوچەی کۆرسکی ڕووسی ئامادەبن بۆ جەنگ، کە بەشێکی ئەو ناوچەیە لە ژێر دەستی ئۆکراینا دایە. 

 

لەلایەکی دیکەوە: بەرپرسانی کۆریای باشوور و کۆمەڵگای نێودەوڵەتی پێشتر ئەوەیان ڕاگەیاندبوو کە ڕووسیا، لەبەرامبەر بەشداری ڕاستەوخۆی سەربازانی کۆریای باکوور لە جەنگەکەیان دژ بە ئۆکراینا، پارە و نەوت و مووشەکی دژە فڕۆکەیان بۆ کۆریای باکوور ناردووە.