سەرۆکوەزیران مەسرور بارزانی: داعش هێشتا هەڕەشەیە لە ناوچەکە

ئاڤا نیوز

 

سەرۆکوەزیران مەسرور بارزانی لە دیدارێکی تایبەت لە کۆربەندی "مێپس" تیشکی خستە سەر چەند تەوەرێکی گرنگی پەیوەست بە ڕەوشی عێراق بە گشتی.

 

وێنە گەورەکە: سەرۆکوەزیران مەسرور بارزانی لە دایداری تایبەتی خۆی لە مێپس2024 تیشکی خستە سەر بارودۆخی عێراق بە گشتی و مەترسییەکانی داعش بە تایبەتی، هاوکات مانەوەی هێزەکانی ئەمریکای بۆ پاراستنی ناوچەکە بە گرنگ زانی .

 

لێدوانی فەرمی: سەرۆکوەزیران مەسرور بارزانی، ڕایگەیاند: عێراق بە گشتی بەرەو ئاراستەیەکی خراپ دەڕوات ئەگەر چارەسەری پێویستی بۆ نەدۆزرێتەوە.

 

سەرۆکوەزیران ئاماژەی بەوەکرد، "داعش تا ئێستاش مەترسییە بۆ سەر عێراق و جیهان، بۆیە مانەوەی هێزەکانی ئەمریکا گرنگە بۆ پاراستنی ناوچەکە، ئەوان لەسەر داوای عێراق لێرەن".

 

لەلایەکی دیکەوە: سەرۆکوەزیران باسی لەوەشکرد: نابێت بڕیاری کشانەوەی هێزەکانی ئەمریکا تاک لایەنە بێت، ئێمە پەیوەندییەکی باشمان لەگەڵ ئەمریکا هەیە.