ئەنجامی هەڵبژاردنی پەرلەمانی کوردستان پەسەند دەکرێت

ئاڤا نیوز

 

بڕیارە ئەمڕۆ ئەنجامی کۆتایی هەڵبژاردنی پەرلەمانی کوردستان لەلایەن کۆمیسیۆنی باڵای سەربەخۆی هەڵبژاردنەکانی عێراقەوە پەسەند دەکرێت.

 

لێدوانی فەرمی: نەبەرد عومەر، سەرۆکی دەستەی هەڵبژاردنی کوردستان لە کۆمیسیۆنی باڵای سەربەخۆی هەڵبژاردنەکانی عێراق بە ئاڤا نیوزی ڕاگەیاند: "ئەمڕۆ یەکشەممە ئەنجامی کۆتایی هەڵبژاردنی خولی شەشەمی پەرلەمانی کوردستان ڕادەگەیێنرێت".

 

لەلایەکی دیکەوە: پێشتر جومانە غەلای، وتەبێژی کۆمیسیۆن بە ئاڤا وتبوو: "ئەم هەفتەیە ئەنجوومەنی کۆمسیاران ئەنجامی هەڵبژاردنی پەرلەمانی کوردستان پەسند دەکات".

 

زانیاریی زیاتر: دوای ڕاگەیاندنی ئەنجامی هەڵبژاردنی خولی شەشەمی پەرلەمانی کوردستان، لە ماوەی سێ ڕۆژدا 41 تانە تۆماركران، ڕۆژی 18ی ئەم مانگەش دەستەی دادوەری هەڵبژاردنەکانی سەر بە ئەنجوومەنی باڵای دادەوری عێراق سەرجەمیانی ڕەتکردەوە.