بایدن بەشداری لە مەراسیمی دەستبەکاربوونی ترەمپ دەکات

ئاڤا نیوز

 

بەپێی کارنامەی بڵاوکراوەی کۆشکی سپی بۆ مەراسیمی دەستبەکاربوونی سەرۆکی هەڵبژێردراوی ئەمریکا، بایدن بەشداری لە مەراسیمەکە دەکات.

 

وێنە گەورەکە: لە ساڵی 2021 ترەمپ ڕەتی کردەوە بەشداری لە مەراسیمی دەست بەکاربوونی بایدن بکات و بانگەشەی ئەوەی کرد ساختەکاری لە ئەنجامی هەڵبژاردنەکان کراوە، ئەمەش دوای ئەوەی لە هەڵبژاردنەکان بەرامبەر بە بایدن شکستی هێنا.

 

ڕاگەیێنراوی فەرمی: ئەندریۆ بەیتس، جێگری سکرتێری ڕۆژنامەوانی بایدن ڕایگەیاند: لە کەشێکی دیموکراسیدا و بە پابەندبوونمان بە بەها دیموکراتییەکانی ئەمریکا، بایدن بەشداری لە مەراسیمەکە دەکات، لە کاتێکدا ترەمپ لە مەراسیمی سوێندخواردنی بایدن بەشداری نەکرد.
 
زانیاریی زیاتر: بایدن بەڵێنی داوە کە بەشداری لە دەستبەکاربوونی هەرکەسێک بکات کە لە هەڵبژاردنەکاندا سەرکەوتن بەدەستبهێنێت. بۆیە ئەو و خانمی یەکەم بڕیارە ڕێز لەو بەڵێنە بگرن.

باکگراوند: لە ماوەکانی ڕابردوودا، بایدن لە کۆشکی سپی  پێشوازی لە ترەمپ کرد، ئەمەش دوای ئەوەی ترەمپ لە هەڵبژاردنەکانی 5ی نۆڤەمبەر بەسەر کەمالا هاریس، کاندیدی دیموکراتەکان سەرکەوت.