سەرۆکی پەرلەمانی لوبنان: داوا دەکەم سەرۆککۆمارێکی نوێ بۆ لوبنان هەڵبژێردرێت

ئاڤا نیوز

 

دوای ئەوەی ئاگربەستی 60 ڕۆژی لە نێوان ئیسرائیل و حیزبوڵڵای لوبناندا ڕاگەیێندرا، سەرۆکی پەرلەمانی لوبنان لە دوای ئاگربەستەکە یەکەم لێدوانی پێشکەشکرد.

 

لێدوانی فەرمی: نەبیح بێری، سەرۆکی پەرلەمانی لوبنان ڕایگەیاند، 'ئێمە پێویستمان بە یەکگرتوویی نەتەوەیی هەیە بۆ ئەوەی بتوانین پارێزگاری لە دامەزراوە دەستوورییەکان بکەین، بە زووترین کات پێویستە هەڵبژاردن بکرێت بۆ ئەوەی  سەرۆککۆمارێکی نوێ بۆ لوبنان هەڵبژێردرێت'. 

 

زانیاریی بەدەستهاتوو: دوای دوو مانگی شەڕی نێوان ئیسرائیل و حیزبوڵلای لوبنان، بێری بەم شێوەیە وەسفی کرد، ئەمەی کە ڕوویدا مەترسییدارترین سات بوو بۆ لوبنان و هەڕەشەیەکی گەورە بوو بۆ گەلی لوبنان.

 

باکگراوند: دوای 60 ڕۆژ لە هێرشی سوپای ئیسرائیل بۆ سەر لوبنان، کوژرانی سێ هەزار و 754 کەس و برینداربوونی 15 هەزار و 626 کەسی بەدوای خۆیدا هێنا، دواجار ئیسرائیل ئاگربەستی لەگەڵ حیزبوڵڵای لوبنان پەسەند کرد، سەر لە بەیانی ئەمڕۆوە ئاگربەستەکە کەوتە بواری جێبەجێکردنەوە.