پووتین داوای لێبوردن لە مێرکڵ دەکات

ئاڤا نیوز

 

ڤلادیمیر پووتین، سەرۆکی ڕووسیا دەڵێت،ساڵی 2007 لە کۆبوونەوەیدا لەگەڵ ئەنجێلا مێرکڵ، ڕاوێژکاری ئەوکاتی ئەڵمانیا، نەیزانیوە کە مێرکڵ لە سەگ دەترسێت، ئەگەر نا سەگەکەی لەگەڵ خۆی نەدەبردە ژووری کۆبوونەوە و ئێستاش داوای لێبوردنی لێدەکات.

 

چیرۆکی سەرەکی: ڕووداوەکە 17 ساڵ لەمەو پێش ڕووی داوە و ئێستا مێرکڵ لە کتێبی بیرەوەرییەکانیدا باسی کردووە، ئاماژەی بەوە کردووە کە پووتین بە مەبەستی 'نیشاندانی هێز' ئەو کارەی کردووە، چونکە زانیویەتی ئەو فۆبیای سەگی هەیە.

 

لەلایەکی دیکە: لە وەڵامی پرسیاری ڕۆژنامەنووسێکدا دەربارەی ڕووداوەکە پووتین ڕایگەیاند، "نەیزانیوە مێرکڵ لە سەگ دەترسێت و بۆیە سەگەکەی بردووە تا کەشێکی خۆش و ئەرێنی دروست ببێت، ئێستا کە زانیویەتی، داوای لێبوردن دەکات".

 

ئەمەش بزانە: کۆبوونەوەکەی ساڵی 2007 لە سوچی لە ڕووسیا بەسترا و ئەوکاتیش دەنگدانەوەی زۆری هەبوو.

 

زانیاریی زیاتر: مێرکڵ لەبەر ئەوەی لە کاتی لاوێتیدا سەگ پەلاماری داوە و گازی لێ گرتووە، لە سەگ دەترسێت و فۆبیای سەگی هەیە.