ترەمپ کوڕی کۆچبەرێکی هیندی وەک بەڕێوەبەری ئێف بی ئای دەستنیشان دەکات

ئاڤا نیوز

 

دۆناڵد ترەمپ، سەرۆکی هەڵبژێردراوی ئەمریکا بەردەوامە لە پڕکردنەوەی پۆستەکانی کابینەکەی و لەو نێوەندەشدا کەسێکی وەک بەڕێوبەری نووسینگەی لێکۆڵینەوەی فیدڕاڵی FBI دەستنیشان کرد.

 

زانیاری بەدەستهاتوو: دۆناڵد ترەمپ، سەرۆکی هەڵبژێردراوی ئەمریکا کاش پاتێلی هەڵبژاردووە تاوەکو پۆستی بەڕێوەبەری نووسینگەی ئێف بی ئای وەربگرێت.

 

ڕاگەیێنراوی فەرمی: دۆناڵد ترەمپ ڕایگەیاند: ''کاش پارێزەرێکی زیرەک و لێکۆڵەر و کەسێکە لە پێناوی ئەمریکا دەجەنگێت،  ئەو ژیانی خۆی لە ئاشکراکردنی گەندەڵی و بەرگریکردن لە دادپەروەری و پاراستنی گەلی ئەمریکا بەسەر بردووە".

 

ئەمەش بزانە: پاتێلی کوڕی کۆچبەرێکی هیندستانە و لە ماوەی خولی یەکەمی سەرۆکایەتیی ترەمپدا لە چەندین پۆستی باڵادا کاری کردووە لەوانە وەک ڕاوێژکاری ئاسایشی نیشتمانی و چەند پۆستێکی دیکە.