ڕاوێژکاری ئەڵمانیا سەردانی ئۆکراینا دەکات

ئاڤا نیوز

 

لە سەردانێکی پێشتر ڕانەگەیێنراودا، ئۆڵاف شۆڵز، ڕاوێژکاری ئەڵمانیا، سەردانی کیێڤی پایتەختی ئۆکراینای کرد و بەڵێنی پێشكەشکردنی پاکێجێکی دیکەی یارمەتیی سەربازی بە ئۆکراینا داوە. 

 

وێنە گەورەکە: ئۆڵاف شۆڵز، ڕاوێژکاری ئەڵمانیا سەردانی ئۆکراینا دەکات و ئەم سەردانەی لەکاتێکدایە کە شەڕی نێوان ڕووسیا و ئۆکراینا سەختتر بووە و ڕووسیا سەختتر لە جاران ئۆکراینا دەکاتە ئامانج.

 

زانیاریی زیاتر: لە ناوخۆی ئەڵمانیا، حکومەتەکەی شۆڵز لە قەیراندایە و پەرلەمان پلانی هەیە متمانەی لێ بسێنێتەوە و بڕیاریشە لە شوباتی داهاتوو هەڵبژاردنی پێشوەختە لەو وڵاتە بەڕێوە بچێت.

 

ئەوەی پێویستە بیزانیت: شۆڵز یارمەتیدەرێکی سەرسەختی ئۆکراینایە لە دژی ڕووسیا و بەڵێنی داوە پاکێجێکی دیکەی یارمەتیی سەربازی پێشکەش بە ئۆکراینا بکات کە بەهاکەی 650 ملیۆن یۆرۆ دەبێت.