گەڕان بە دوای شوێنی مانەوەی بەشار ئەسەد بەردەوامە

ئاڤا نیوز 

 

بەگوێرەی هەواڵێکی کەناڵی سی ئێن ئێن، چەکدارانی ئۆپۆزیسیۆنی سووریا بە وردی بە دوای شوێنی مانەوەی بەشار ئەسەد دەگەڕێن.

 

وێنە گەورەکە: ماوەی یازدە ڕۆژە چەکدارانی ئۆپۆزیسیۆن ‌هێرشی چڕیان کردووەتە سەر بەشێک لە شارەکانی سووریا و کۆنترۆڵی کردوون، بەرەبەیانی ئەمڕۆش لەگەڵ کەوتنی پایتەختی سووریا تاوەکو ئێستا شوێنی بەشار ئەسەد نادیارە. 

 

لیدوانی فەرمی: سەرچاوەیەک لە ئۆپۆزیسیۆنی سووریا بە سی ئێن ئێنی ڕاگەیاندووە: گەڕان بە دوای بەشار ئەسەد بەردەوامە، هاوکات لێپرسینەوە لە ئەفسەرانی سەربازی و هەواڵگری سووریا دەکرێت کە ڕەنگە زانیارییان لەسەر جموجۆڵەکانی بەشار ئەسەد هەبێت.

 

زانیاریی زیاتر: ڕامی عەبدولڕەحمان، بەڕێوەبەری ڕوانگەی سووری بۆ مافەکانی مرۆڤ بە ئاڤا نیوزی ڕاگەیاند: نازانرێت بەشار ئەسەد لە ئێران یان لە وڵاتە عەرەبییەکانە، هاوکات ڕووسیا و ئێران ڕێککەوتبوون لەسەر نەمانی دەسەڵاتی بەشار ئەسەد.

 

گۆشەیەکی دیکە: بەشار ئەسەد چارەنووسی نادیارە و بەگوێرەی بڵاوکراوەکانیش، دوێنێ شەممە 7-12-2024 خێزان و منداڵەکانی ڕۆیشتوونەتە ڕووسیا.

 

ئەمەش بزانە: بنەماڵەی ئەسەد ماوەی زیاتر لە 50 ساڵە حوکمی سووریایان کردووە، بە نەمانی دەسەڵاتەکەشیان وڵاتەکە پی دەنێتە قۆناغێکی دیکەوە.