ترەمپ: دەستوەردان لە سووریا ناکەین

ئاڤا نیوز

 

دۆناڵد ترەمپ، سەرۆکی هەڵبژێردراوی ئەمریکا ڕەتیدەکاتەوە دەستێوەردان لە سووریا بکات و چارەسەرکردنی دۆخەکە  و پێکهێنانی حکومەتی نوێ بۆ خەڵکی سووریا جێدەهێڵێت.

 

لێدوانی فەرمی: دۆناڵد ترەمپ دەڵێت: لە جیهان زۆر قەیران دروست بووە، لە بارەی سووریاوە هەواڵەکان دەبیستین، سوورییەکان دەبێت خۆیان شەڕی سووریا بکەن، لەبەرئەوەی ئێمە دەستوەردان لە دۆخی سووریا ناکەین، فەرەنساش دەستوەردان ناکات.

 

ترەمپ لەکاتی هەڵسەنگاندنی قەیرانە نێودەوڵەتییەکان و دۆخی ڕۆژهەڵاتی ناوەڕاست  گوتیشی کاری لە پێشینەیان لە قەیرانە نێودەوڵەتییەکاندا چارەسەرکردنی کێشەی ئۆکراینایە لەگەڵ ڕووسیا.

 

لەلایەکی دیکەوە: لوید ئۆستن، وەزیری بەرگریی ئەمریکا، جەختی کردەوە لە بەردەوامی پەیوەندییەکانی لەگەڵ هەسەدە و گوتی: کاری لە پێشینەمان پاراستنی هێزەکانمان دەبێت لە سووریا.