وەزیری بەرگریی ئەڵمانیا سەردانی هەولێر دەکات

ئاڤا نیوز 

 

وەزیری بەرگریی ئەڵمانیا بەرەبەیانیی ئەمڕۆ گەیشتە هەرێمی کوردستانی و لەگەڵ سەرۆکی هەرێمی کوردستان کۆبووەوە، پاشان سەردانی سەربازانی وڵاتەکەی لەنێو هاوپەیمانی دژی داعش کرد.

 

وێنە گەورەکە: پەیوەندییەکی دیپلۆماسیی بەهێز لەنێوان هەرێمی کوردستان و ئەڵمانیا هەیە، دوای دەستپێکردنی شەڕی داعش، ئەڵمانیا جگە لە پێدانی چەک و هاوکاریی لۆجیستی بۆ هێزەکانی پێشمەرگە زیاتر لە 150 ڕاوێژکاری سەربازی ڕەوانەی عێراق و هەرێمی کوردستان کرد بۆ ئەوەی ڕاهێنان بە هێزی پێشمەرگە و هێزە ئەمنییەکانی عێراق بکەن.

 

زانیاریی تایبەت: کوردستان حەسەن، پەیامنێری دیپلۆماسیی ئاڤا گوتی، "پێش نیوەڕۆی ئەمڕۆ پێنجشەممە بۆریس پیستۆریۆس، وەزیری بەرگریی ئەڵمانیا لە هەرێمی کوردستان، لە سەرۆکایەتیی هەرێمی کوردستان لەگەڵ نێچیرڤان بارزانی، سەرۆکی هەرێمی کوردستان کۆبوونەوە."

 

ئەمەش بزانە: سەردانی وەزیری بەرگریی ئەڵمانیا پەیوەست بوو بە گرژیی و گۆڕانکارییەکانی ئەم دواییەی ناوچەکە، هەروەها ئاگاداربوون لە دۆخی سەربازانی ئەڵمانیا لە هەرێمی کوردستان و جەختکردنەوەیە لەسەر بەردەوامی هاوکاری بۆ هێزی پێشمەرگە.