ئەحمەد شەرع: دەبێت دەستەی تەحریرولشام لە لیستی ڕێکخراوە تیرۆریستییەکان دەربهێنرێت

ئاڤا نیوز 

 

فەرماندەی ئۆپەراسیۆنە سەربازییەکان لە سووریا جەخت دەکاتەوە کە سزاکانی سەر سووریا هەڵبگیرێت و دەستەی تەحریرولشام لە لیستی ڕێکخراوە تیرۆریستییەکان دەربهێنرێت.

 

وێنە گەورەکە: دەستەی تەحریرولشام لە ساڵی 2015 لە گرووپی ئەحرارولشام جیابووەوە، بەشدارییان لە شەڕی ناوخۆی سووریا کردووە و ئێستا دوای ڕووخانی دەسەڵاتی بەشار ئەسەد، ئەحمەد شەرع، سەرۆکی دەستەکە سەرکردایەتیی سووریا دەکات، هەرچەندە ئەوروپا و بەشێکی زۆری وڵاتان پەیوەندییان بە دەستەکە هەیە، بەڵام تاوەکو ئێستا لە لیستی تیرۆرە. 

 

لێدوانی فەرمی: ئەحمەد شەرع، فەرماندەی ئۆپەراسیۆنە سەربازییەکان لە سووریا لە چاوپێکەوتنێکدا لەگەڵ کەناڵی بی بی سی بەریتانیا ئەمانەی گوت:

 

. داوای هەڵگرتنی ئەو سزایانەی کرد کە بەسەر سووریادا سەپێنراون و جەختی کردەوە کە دەبێت دەستەی تەحریرولشام لە لیستی ڕێکخراوە تیرۆریستییەکان دەربهێنرێت.

 

. ئەحمەد شەرع ڕەتی کردەوە بیانەوێت سووریا بکەنە کۆپییەکی ئەفغانستان و ڕایگەیاند: ئەو دوو وڵاتە زۆر جیاوازن، و نەریتی جیاوازیان هەیە، بە لەبەرچاوگرتنی ئەوەی کە ئەفغانستان کۆمەڵگەیەکی خێڵەکییە.

 

. ئەحمەد شەرع ڕوونیشی کردەوە کە ئەو باوەڕی بەوە هەیە دەبێت ژنان بخوێنن.