کۆریای باشوور: لانیکەم 100 سەربازی کۆریای باکوور لە ئۆکراینا کوژراون

ئاڤا نیوز

 

پەرلەمانتارێکی کۆریای باشوور ڕایگەیاند: لانیکەم 100 سەربازی کۆریای باکوور لە شەڕی ئۆکراینا کوژراون. 

 

وێنە گەورەکە: لە دەستپێکی شەڕی نێوان ڕووسیا و ئۆکراینا، وڵاتانی ڕۆژئاوا هەر یەکە لە ئێران و کۆریای باکوور بەوە تۆمەتبار دەکەن کە پشتیووانی ڕووسیان لە شەڕی دژ بە ئۆکراینا. 

 

لێدوانی فەرمی: سی سونگ کوان، پەرلەمانتاری کۆریای باشوور ڕایگەیاند: پەرلەمان لە دانیشتنێکی تایبەت کردووە بەو پرسە و تیایدا ڕاپۆرتی دامەزراوەی هەواڵگریی کۆریای باشوور، خوێندراوەتەوە و زانیارییەکانی لەو بارەوە خستووەتە ڕوو.

 

زانیاریی زیاتر: بە گوێرەی ڕاپۆرتەکان هۆکاری سەرەکیی زیانە گیانییەکانی سەربازانی کۆریای باکوور بۆ ناشارەزاییان لە ناوچەکەیە.

 

ئەوەی پێویستە بزانیت: کۆریای باشوور و وڵاتانی ڕۆژئاوا کۆریای باکوور بە پشتیوانیکردنی ڕووسیا لە جەنگی دژ بە ئۆکراینا تۆمەتبار دەکەن. ئەوان دەڵێن کۆریای باکوور چەک و سەرباز دەداتە ڕووسیا.