سوودانی : هیچ مەترسیەک لەسەر عێراق نییە

ئاڤا نیوز

 

سەرۆکوەزیرانی عێراق ئاشکرای دەکات، تائێستا هیچ پەیوەندییەکی بە ئەحمەد ئەلشەرع "ئەبو محەممەد جۆلانی"ـیەوە نەکردووە، هاوکات باڵیۆزخانەی عێراق لە دیمەشق دەستی بە کارەکانی کردووە.

 

لێدوانی فەرمی: لەمیانی چاوپێکەوتنێکی تەلەفزیۆنیدا محەممەد شیاع سوودانی، سەرۆکوەزیرانی عێراق نیگەرانی خۆی ڕاگەیاند: سەبارەت بە پێشهاتەکانی سووریا، بەهۆی ئەو ڕێکخراوە چەکدارانەی ئێستا دەستییان بە جموجۆڵ کردووە لەو وڵاتەم بەتایبەتی چەکدارانی داعش.  

 

سەبارەت بە مەترسی دۆخی ئێستای ناوچەکە لەسەر عێراق، سوودانی دڵنیایی دا لەوەی عێراق هیچ هەڕەشەیەکی پێنەگەیشتووە و هیچ مەترسیەکیش لەسەر عێراق نییە، حکومەتیش بەرژەوەندییە باڵاکانی وڵاتی پاراستووە و بەردەوام چاودێری جموجۆڵەکانی داعش دەکات و لەگەڵ ئوردن و هاوپەیمانی نێودەوڵەتی عێراق دەستی بە ئۆپەراسیۆنی هاوبەش کردووە.

 

سوودانی ئاماژەی بەوەشکردووە، "هیچ کەس و لایەنێک مەرجی بەسەر عێراق نەچەسپاندووە سەبارەت بە هەڵوەشاندنەوەی هێزەکانی حەشدی شەعبی، ئەوەش جێگەی قبوڵکردن نییە".