سوودانی بڕیاری قەدەغەکردنی پێگە ئەلیکترۆنییەکان هەڵدەوەشێنێتەوە

ئاڤا نیوز

 

سەرۆکوەزیرانی عێراق بڕیارێکی وەزیری گەیاندن بۆ قەدەغەکردنی دوو پێگەی ئەلیکترۆنی هەڵدەوەشێنێتەوە، داواش دەکات بەر لە دەرکردنی هەر بڕیارێکی لەو شێوەیە، لە کۆبوونەوەی ئەنجوومەنی وەزیراندا بخرێتەڕوو و گفتوگۆی لەسەر بکرێت.

 

ئەوەی پێویستە بیزانیت: پێشتر وەزیری گەیاندنی عێراق بە بڕیارێک و بەهۆکاری ئەوەی بابەتی نەشیاو بڵاودەکەنەوە، هەردوو پێگەی IMDb و SoundCloudی قەدەغە کردبوو.

 

نوسراوی فەرمی: 15ی ئەم مانگە عەلی ئەلامی، بەڕێوەبەری نووسینگەی سەرۆکوەزیرانی عێراق لە نوسراوێکدا کە ئاراستەی نووسینگەی وەزیری گەیاندنی کردووە، ئاماژەی بەوەشکردووە، سەرۆکوەزیران فەرمانیکرد پێداچوونەوە بکرێت بەبڕیاری قەدەغەکردنی دوو ماڵپەڕ کە پێشتر وەزیری گەیاندن دەریکردووە.

 

بەگوێرەی نوسراوەکەی سوودانی، وەزارەتی گەیاندن پێش ئەوەی بڕیاری قەدەغەکردنی ماڵپەڕ و پێگە ئەلیکترۆنییەکان دەربکات، دەبێت لە کۆبوونەوەی ئەنجوومەنی وەزیراندا بیخاتەڕوو و ئەوکات بڕیارەکە دەربکات.