ڕووسیا مەرج بۆ دانووستان لەگەڵ ئەمریکا دادەنێت

ئاڤا نیوز 

 

وەزیری دەرەوەی ڕووسیا لە چاوپێکەوتنێکی لەگەڵ میدیا فەرمی باس لە مەرجەکانی وڵاتەکەی دەکات بۆ دانووستان لەگەڵ واشنتن. 

 

وێنە گەورەکە: ناکۆکییەکانی نێوان ڕووسیا و ئەمریکا بەردەوامە، زۆرجار لەسەر پرسە جیاوازەکان لێدوان و قسەی تووندی دژ بە یەکتریان هەیە، لەگەڵ سەرهەڵدانی جەنگی نێوان ڕووسیا و ئۆکراینا، ئیدارەی بایدن هاوکاری و پشتیووانی سەربازی پێشکەش بە ئۆکراینا کردووە.  

 

لێدوانی فەرمی: سێرگی لاڤرۆڤ، وەزیری دەرەوەی ڕووسیا لە چاوپێکەوتنەکەدا تیشکی خستەسەر چەند پرسێک و ڕایگەیاند:

 

- مۆسکۆ هیچ دانوستانێک لەگەڵ واشنتن ناکات سەبارەت بە کۆنتڕۆڵکردنی چەک، تا ئەو کاتەی ئەمریکا واز لە دژایەتی ڕووسیا نەهێنێت. 

 

-ئەمەریکا و ناتۆ وەڵامێکی تووند وەردەگرن ئەگەر مووشەکی نوێ بۆ هەڕەشەکردن لە ڕووسیا بەرهەم بهێنن.

 

-ئەگەر ئەمریکا ئاشتی لە ئۆکراینا بویستایە، دابینکردنی چەکی بۆ کیێڤ ڕادەگرت.  

- ڕووسیا ئامادەیە بۆ هەر سیناریۆیەک لە پەرەسەندنی ڕووداوەکان.