مۆسکۆ و کیێڤ: گواستنەوەی غازمان بۆ ئەوروپا ڕاگرت

ئاڤا نیوز

 

مۆسکۆ و کیێڤ بڕیاریاندا بە ڕاگرتنی گواستنەوەی بەرهەمی غازی ڕووسیا لەڕێگەی ئۆکرایناوە بۆ ئەوروپا، ئەمەش دوای کۆتاییهاتنی ڕێککەوتنی پێنج ساڵەی نێوان ئەو دوو وڵاتە.

 

لێدوانی فەرمی: کۆمپانیای گازپرۆمی ڕووسی ڕایگەیاند: گواستنەوەی بەرهەمی غازی ڕووسیا لە ڕێگەی ئۆکرایناوە بۆ ئەوروپا لە کاتژمێر 8:00 ڕاگیراوە، ئەمەش دوای کۆتاییهاتنی گڕێبەستی گواستننەوەی بەرهەمەکە لە نێوان ڕووسیا و ئۆکرانیا.

 

بۆچوونی لایەنی بەرامبەر: جیرمانی گالوشچێنکۆی وەزیری وزەی ئۆکراینا ڕایگەیاند، گواستنەوەی غازی ڕووسیامان بە ناو خاکی وڵاتەکەمان ڕاگرتووە، ئەمەش ڕووداوی مێژووییە، ڕووسیا بازاڕی بەرهەمەکانی لەدەستدەدات، ئەمەش دەبێتە هۆی لەدەستدانی ئابوورییەکەی.

 

کاریگەریی و لێکەوتەکان: ئەم هەنگاوە وڵاتانی ئەوروپی تووشی قەیرانی کەمبوونەوەی وزە دەکات و دەبێتە هۆی لە کارکەوتنی کارگەکان و بەرزبوونەوەی نرخی غاز، هاوکات ڕووسیاش تووشی قەیرانی ئابووری دەبێت بەو پێیەی دابینکەری غازە بۆ ئەوروپا.

 

باکگراوەند: دوای هەڵوەشاندنەوەی یەکێتی سۆڤییەت لە ساڵی 1991، ڕووسیا لەڕێگەی بۆرییەوە کە بە ناو ئۆکراینادا ڕاکێشرابوون غازی بۆ ئەوروپا دابین دەکرد.