ڕووسیا 61 درۆنی ئۆکراینا دەخاتە خوارەوە

ئاڤا نیوز

 

وەزارەتی بەرگریی ڕووسیا ڕایدەگەیێنێ، شەوی ڕابردوو 61 درۆنی ئۆکراینا لەلایەن سیستمی بەرگریی ئاسمانیی ڕووسیا خرانە خوارەوە.

 

ڕاگەیێنراوی فەرمی: وەزارەتی بەرگریی ڕووسیا ڕایگەیاند: ''شەوی ڕابردوو هەوڵەکانی کیێڤ بۆ ئەنجامدانی هێرشی تیرۆرستی بە بەکارهێنانی درۆن لەلایەن سیستمی بەرگریی ڕووسیا شکستیان پێهێنرا''.

 

زانیاریی زیاتر: وەک لە ڕاگەیێنراوەکەی وەزارەتی بەرگریی ڕووسیا هاتووە، سیستمی بەرگریی ڕووسیا 37 درۆنی لە پارێزگای ڕۆستۆڤ و 20 درۆنیش لە پارێزگای برایانسک و چەندین ناوچەی دیکەی خستووەتە خوارەوە.

 

باکگراوند: لە ساڵی 2022 ڕووسیا هێرشی ئاسمانیی و زەمینیی بۆ سەر ئۆکراینا دەستپێکردووە و ڕووبەرێکی فراوانی خاکی ئەو وڵاتەی داگیر کردووە. بەهۆی بەردەوامی شەڕەکەشەوە تائێستا دەیان هەزار کەس لە هەردوولا کوژراون و بریندار بوون.