نرخی نەوت ڕوو لە بەرزبوونەوە دەکات

ئاڤا نیوز

 

بەهۆی دابەزینی پلەکانی گەرما لە نیوەگۆی باکووری زەوی و ڕێکارەکانی چین بۆ بوژانەوەی کەرتی ئابووری وڵاتەکەی، نرخی نەوت گەیشتە بەرزترین ئاست لە مانگی تشرینی یەکەمی ساڵی ڕابردووەوە، ناوەندە داراییەکانیش پێشبینی بەرزبوونەوەیەکی سنوورداری نەوت لەساڵی 2025دا دەکەن.

 

وێنە گەورەکە: جگە لەو سزایانەی بەسەر ئێران و ڕووسیا دا سەپێنراون، گرژییەکانی ڕۆژهەڵاتی ناوەڕاست کاریگەرییەکی گەورەیان لەسەر نرخی نەوت لە ئاستی جیهان هەیە، ناوەندە داراییەکان پێشبینی دەکەن ئەگەر گرژییەکانی ناوچەکە زیاتر نەبن، نەوتی برێنت لە دەوروبەری 75 دۆلاردا جێگیر دەبێت.

 

ژمارەکان وادەڵێن: ئەمڕۆ دووشەممە نرخی هەر بەرملێک نەوتی برێنت لە بازارەکانی جیهان گەیشتە 76 دۆلار و 66 سەنت، نرخی بەرملێک نەوتی سووکی تێکساسیش بە 74 دۆلار و 18 سەنت مامەڵەی پێوەدەکرێت، ئەوەش بەرزترین نرخی نەوتە لە 14 تشرینی یەکەمی ساڵی 2024ەوە.

 

ئەوەی پێشبینی دەکرێت: بانکی گۆڵدمان ساکس کە یەکێک لە ناوەندە گەورە داراییەکانی جیهان پێشبینی دەکات نرخی نەوت لە ساڵی 2025 لە سنورێکی دیاریکراودا بەرز و نزم بکات و نرخی هەر بەرمیلێک نەوت لەنێوان 70 دۆلار بۆ 85 دۆلار ئەمەش بەپێی خواست و ڕووداوەکان دەبێت.