ڕۆیتەرز: ئەمریکا سزای نوێ بەسەر ڕووسیا دەسەپێنێت

ئاڤا نیوز

ڕۆیتەرز لەسەر زاری دوو سەرچاوە بڵاویکردووتەوە، پێش ئەوەی دەسەڵاتەکانی ئیدارەی جۆ بایدن کۆتایی بێت بە نیازە سزای زیاتر بەسەر ڕووسیادا بسەپێنێت، بەهۆی بەردەوامیدان بە جەنگی لەگەڵ ئۆکراینا. 

 

بڵاوکراوی فەرمی: ڕۆیتەرز لە ڕێگەی دوو سەرچاوەوە زانیارییەکانی وەرگرتووە، کە جۆبایدن سەرۆکی ئەمریکا خۆی ئامادەکردووە کە کۆمەڵە سزایەکی نوێ بەسەر ڕووسیادا بسەپێنێت، بەشێک لە سزاکانیش بۆسەر گواستنەوەی نەوتی ڕووسیایە لە ڕێگەی وشکانییەوە. 

 

گۆشەیەکی دیکەی دیمەنەکە: لە سەرەتای جەنگی نێوان ڕووسیا و ئۆکرانیاوە، ئیدارەی بایدن هەوڵیداوە کۆتایی بەو جەنگە بهێنێت و پشتیوانی لە ئۆکراینا کردووە، ماوەی چەند ڕۆژێکیش ماوە ئیدارەکەی بایدن کۆتایی بێت و تاوەکو سیاسەتی ترەمپیش دیار نییە کە بەرامبەر ئەو جەنگە هەڵوێستی چۆن دەبێت. 

 

ئەوەی لە بارەیەوە دەگوترێت: بە گوێرەی زانیاریی یەکێک لە سەرچاوەکان، سزاکان ڕەنگە ئەو کەسانەش بگرێتەوە کە بەشدارن لە بازرگانیکردن بە نەوتی ڕووسیاوە لە ڕیگەی تانکەرەوە.