ترەمپ داوای یەکگرتنەوەی ئەمریکا و کەنەدا دەکات

ئاڤا نیوز 

 

دوای دەستلەکارکێشانەوەی جەستن ترودۆ، سەرۆکوەزیرانی کەنەدا، دووبارە دۆناڵد ترەمپ سەرۆکی هەڵبژێردراوی ئەمریکا پێشنیازی خۆی بۆ کەنەدا نوێ دەکاتەوە کە ببێتە 51ـەمین ویلایەتی ئەمریکا.

 

لێدوانی فەرمی: دۆناڵد ترەمپ دەڵێت: ئەگەر کەنەدا لەگەڵ ئەمریکا یەکبگرێتەوە، نرخی باجەکان زۆر دادەبەزن، بە تەواوی پارێزراو دەبن لە هەڕەشەی کەشتییەکانی ڕووسیا و چین، دەبن بە نەتەوەیەکی گەورە. 

 

ئەوەی پێویستە بیزانیت: تاوەکو ئێستا لایەنە کەنەدییەکان هیچ هەڵوێستێکیان سەبارەت بە پێشنیازی ترەمپ نەبووە. 

 

زانیاریی زیاتر: لە خولی یەکەمی سەرۆکایەتیی ترەمپدا، پەیوەندییەکی باش لەنێوان ترەمپ و ترودۆدا نەبوو،  گرژییەکانی نێوان هەردوولاش سەبارەت بە پرسی ماددەی هۆشبەر و کۆچبەرە نایاساییەکانن، ترەمپ هەڕەشەی سەپاندنی 25% باجی لەسەر هاوردەکانی کەنەدا کردووە.