چارەسەرێك بۆ گرفتی پڕۆژەكانی نیشتەجێبوون دەخرێتە ڕوو

ئاڤا نیوز

 

سەرۆكی دەستەی وەبەرهێنانی هەرێمی كوردستان باس لە چارەسەرێك بۆ گرفتی پڕۆژەكانی نیشتەجێبوون ئاشكرا دەكات و دەڵێت ڕێنماییە و بڵاوكراوەتەوە، بەڵام بەشێكی كەمی پڕۆژەكان و كڕیاران پێوەی پابەندن.

 

چیرۆكی سەرەكی: لە هەرێمی كوردستان دەیان پڕۆژەی نیشتەجێبوون هەن كە لەو وادەیەی بۆ كڕیارەكانیان دیاركردووە تەواو نەكراون و بەشێكیشیان پەكیان كەوتووە و چەند جارێك دراونەتە بە وەبەرهێنەر و كۆمپانیای دیكە، ئەمەش یەكێكە لە سەرەكیترین گرفتی پڕۆژەكانی نیشتەجێبوون.

 

لێدوانی فەرمی: د.محەممەد شوكری، سەرۆكی دەستەی وەبەرهێنان بە ئاڤا میدیای ڕاگەیاند: ڕێنماییەك هەیە سەبارەت بە ئەو پڕۆژانەی كە پەكیان كەوتووە، كاتێك جارێكی دیكە بەگەڕ دەخرێنەوە پێویستە كڕیار پارەكەی لە بانك دابنێت و دواتر وردە وردە پارە بدرێتە كۆمپانیای جێبەجێكار، بەڵام ئەو ڕێنماییە تەنیا لە چەند پڕۆژەیەك لە هەرێمی كوردستان جێبەجێ كراو.

 

هۆكارە زانراوەکان: بەهۆی ئەوەی تاوەكو پێش دەستپێكردنی پڕۆژەی هەژماری من بەشێكی زۆری خەڵكی هەرێمی كوردستان هەژماری بانكیان نەبوو، بەپێی داتاكان تەنیا %5ی دانیشتووانی هەرێمی كوردستان هەیانبوو نەتوانراوە ئەو ڕێنماییەی وەبەرهێنان وەك خۆی جێبەجێ بكرێت، بەڵام ئێستا ڕێژەكە بەرز بووەتەوە.