چوار وێستگەی غاز لە ناوەڕاستی یەمەن تەقینەوە

ئاڤا نیوز

 

 چوار وێستگەی غاز لە ناوەڕاستی یەمەن تەقینەوە، حووسییەکانیش لە ڕاگەیێنراوێکدا باس لە گیان لەدەستدانی 17 کەس و برینداربوونی 74ی دیکەش دەکەن.

 

چیرۆکی سەرەکی: وەزارەتی تەندروستیی و ژینگەی یەمەن لە ڕاگەیێنراوێکدا باس لەوەدەکات کە چوار وێستگەی غاز لە ناوچەی زاھیری سەربە پارێزگای بەیزا تەقیونەتەوە و 91 قوربانی لێکەتووتەوە.

 

 ڕاگەیێنراوی فەرمی: حووسییەکان ڕایانگەیاند، بەهۆی تەقینەوەی چوار وێستگەی غاز لە پارێزگای بەیزا ناوەڕاستی یەمەن، 17 کەس گیانیان لەدەستداوە و 74 دیکەش برینداربوون.

 

لەلایەکی دیکەوە: ھاشم شەرەفەددین، وتەبێژی حکومەت لە ھەژماری خۆی لە تۆڕی کۆمەڵایەتیی ئێکس ڕایگەیاند: لێکۆڵینەوە لەبارەی ھۆکاری تەقینەوەکان دەست پێ کراوە، بێ ئەوەی وردەکاریی زیاتر لەوبارەیەوە بخاتەڕوو.