ئیسرائیل ئامادە نییە تەرمی یەحیا سینوار ڕادەست بکاتەوە

ئاڤا نیوز

 
لەگەڵ نزیکبوونەوەی حەماس و ئیسرائیل بۆ ڕێککەوتن لە پێناو ئازادکردنی بارمتەکان و ئاگربەستی غەززە، دەسەڵاتدارانی ئیسرائیل ئامادەنین تەرمی یەحیا سینوار، بەرپرسی پێشووی مەکتەبی سیاسی بزووتنەوەی حەماس ڕادەست بکەنەوە.

 

زانیاریی بەدەستهاتوو: بەگوێرەی میدیاکانی ئیسرائیل، تەلئەڤیڤ ئامادەنییە تەرمی یەحیا سینوار، بەرپرسی مەکتەب سیاسی بزووتنەوەی حەماس لە چوارچێوەی ڕێککەوتنی نێوان ئیسرائیل و حەماس  ڕادەستی بزووتنەوە فەلەسینییەکە بکاتەوە.

 

ڕاگەیێنراوی فەرمی: ئیسرائیل ڕایگەیاند: "تەرمی سینوار لە چوارچیوەی ڕێککەوتنی ئاڵوگۆڕکردنی دیلەکان ڕادەست ناکاتەوە". ئیسرائیل دەشڵێت، "ئەمە هەرگیز ڕوونادات''.

 

ئەمەش بزانە: لە دوای کوژرانی یەحیا سینوار، بنیامین نەتانیاهۆ ڕایگەیاند: ''کوشتنی یەحیا سینوار سەرەتای دەستپێکردنی سەردەمێکی نوێیە بەبێ حوکمڕانی حەماس بەسەر کەرتی غەززە''.

 

باکگراوند: ڕۆژی 17-10-2024، یەحیا سینوار، بەرپرسی پێشووی مەکەتەبی سیاسی بزووتنەوەی حەماس لە ئۆپەراسیۆنێکی سوپای ئیسرائیلدا لە شاری رەفەحی باشووری کەرتی غەززە کوژرا، دوای کوژرانیشی تەرمەکەی لەلایەن سوپای ئیسرائیلەوە گواسترایەوە بۆ ناو ئیسرائیل.