فوئاد حوسێن: عێراق لە هەوڵدایە گرووپە چەکدارەکان چەک دابنێن

ئاڤا نیوز

فواد حوسێن، وەزیری دەرەوەی عێراق، ڕایگەیاند، عێراق لە هەوڵی ئەوەدایە کە ئەو هێزە چەکدارەکانەی لە عێراقدان و دژی ئەمریکا چالاکییان هەبووە، ڕازی بکات تاوەکو چەکەکانیان دابنێن یان بچنە ناو ڕیزەکانی سوپاوە. 

لێدوانی فەرمی: فواد حوسێن بە ئاژانسی ڕۆیتەرزی گوتووە:

- عێراق دەیەوێت هاوسەنگیی نێوان ئەمریکا و ئێران بپارێزێت و ترسی ئەوەشی هەیە کە ئیدارەی ترەمپ گرژییەکان زیاتر بکات.

- سەبارەت بە پرسی سووریا، وەزیری دەرەوەی عێراق ئاماژەی بەوە داوە، عێراق بوونی چەکدارەکانی داعش کە لە سووریا دەستبەسەرن نیگەرانە، هەرچەندە ئێستا هەست بە هیچ هەڕەشەیەک بۆ سەر عێراق ناکەن. 

- هاوکات، سەبارەت بە پرسی کشانەوەی هێزەکانی ئەمریکا لە عێراق ئەو ڕایگەیاند، پێویستە عێراق لەم بابەتەدا واقیعی بێت.