ئاڤا بەدواداچوون بۆ خراپی ڕێگای سەرەکی هەولێر - ناحیەی گوێڕ دەکات

ئاڤا نیوز

 

دوای بەدواداچوونەکانی ئاڤا لەسەر داوای هاونیشتمانییان بۆ خراپی ڕێگای سەرەکی هەولێر - ناحیەی گوێڕ، بەڕێوەبەرایەتی چاککردنەوە و پاراستنی ڕێگاوبانی هەولێر لە پلانیدایە لە داهاتوویەکی نزیک ڕێگەکە نۆژەن بکەنەوە.

 

لێدوانی فەرمی: عیماد محەممەد، بەڕێوەبەری چاککردنەوە و پاراستنی ڕێگەوبانی هەولێر بە ئاڤای ڕاگەیاند،  "لەبەر گرنگی پرۆژەکە داوامان لێکرا دەرخستەی بۆ ئامادە بکەین، دوای دەرخستە توانرا  بودجەی بۆ دابین بکرێت، ئێستاش پرۆژەی چاکردنەوەی ڕێگەکە چووەتە بواری تەندەری".

 

ئەوەی لەبارەیەوە دەگوترێت: هاونیشتمانییەک کە خەڵکی گوێڕە لەبارەی ڕێگەکەوە دەڵێت، "جاری واهەیە قەرەباڵغیەکەی هێندە زۆرە،  ناتوارێت نەخۆش لە قەرەباڵغیەکە بۆ نەخۆشخانە بگوازرێتەوە".

 

هۆکارە زانراوەکان: هۆکاری سەرەکی نۆژەن نەکردنەوەی ڕێگای هەولێر - گوێڕ تا ئێستا، نەناردنی بوودجەی پێویستە لە لایەن بەغداوە، بەڵام حکومەتی هەرێمی کوردستان بوودجەی تایبەتی بۆ تەرخان کردووە و لە ئایندەیەکی نزیکدا ڕێگاکە نۆژەن دەکرێتەوە.

 

ئەمەش بزانە: ناحیەی گوێڕ دەکەوێتە ناوچە جێناکۆکەکان، لە ڕووی ئیدارییەوە سەر بە پارێزگای موسڵە، بەڵام لەڕووی جوگرافییەوە دەكەویتە ناوەڕاستی پارێگاکانی هەولێر و موسڵ و قەزای مەخمور.