بایدن : ئەمڕۆ دەرفەتێکی ناوازەیە بۆ بوونیادنانی داهاتووی ڕۆژهەڵاتی ناوەڕاست

 

ئاڤا نیوز

جۆ بایدن، سەرۆکی پێشووی ویلایەتە یەکگرتووەکانی ئەمریکا دەڵێت حەماس دوای هێرشەکانی ئیسرائیل زۆر لاواز بووە، ڕیبەرانی حیزبووڵڵاش لەناو چوون.

چیرۆکی سەرەکی : جۆبایدن لە کۆتا ڕۆژی خۆی وەک سەرۆکی ئەمریکا لە شاری چارلستۆن لە کارۆلینای باشوور کۆنفڕانسێکی ڕۆژنامەنووسی ئەنجامدا و باسی لە ئاگربەستی غەززە و پێشهاتەکانی غەززە کرد.

لێدوانی فەرمی: جۆ بایدن ڕایگەیاند:

 

-پاش ئەو هەموو ئازار و مردن و لەدەستدانی ژیانە، ئەمڕۆ چەکەکان لە غەززە بێدەنگ بوون.

-ڕێبەرانی حیزبوڵڵا لەناوچوون و حەماس دوای هێرشەکانی ئیسرائیل بەتەواوی لاواز بووە.

-سەیرێکی ڕۆژهەڵاتی ناوەڕاست بکەن، ئەمڕۆ لوبنان و فەڵەستین و سووریا دەرفەتێکی ناوازەیان بۆ بوونیادنان لەبەردستدایە بۆ ئایندەیەکی باشتری وڵاتیان.

ئەمەش بزانە: بایدن لە چەند ڕۆژی ڕابردوو ڕایگەیاندبوو ئەم ئاگربەستەی غەززە کاتی نییە بەڵکو هەمیشەییە و بە هاوکاری لەگەڵ تیمی دۆناڵد ترامپ هەوڵی جددی دەدەین.