ترەمپ داوایەکی زێلێنسکی ڕەتدەکاتەوە

ئاڤا نیوز

ڤلۆدیمیر زێلێنسکی، سەرۆکی ئۆکراینا سێ جار داوای لە دۆناڵد ترەمپ کردووە بانگهێشتی بکات بۆ مەراسیمی سوێند خواردنەکەی لە کۆشکی سپی بەڵام ترەمپ ڕەتیکردووەتەوە کە بە فەرمی بانگهێشتی بکات. 

 

چیرۆکی سەرەکی: دۆناڵد ترەمپ، سەرۆکی هەلبژێردراوی ئەمریکا بە ئامادەبوونی چەندین سەرکردە و کەسانی سیاسی و کەسایەتی دیاری وڵاتان، سوێندی یاسایی دەخوات تاوەکو وەکو سەرۆکی چوار ساڵی ئایندەی ئەمریکا خۆی بناسێنێت، لەو میانەیەشدا سەرۆکی ئۆکراینا داوای کردووە بە فەرمی بانگهێشت بکرێت بۆ ئەو مەراسیمە بەڵام ترەمپ ڕەتی کردووەتەوە.

 

ڕاگەیێنراوی فەرمی: بارۆن ترەمپ، کوڕی دۆناڵد ترەمپ باسی لەوە کردووە کە سەرۆکی ئۆکراینا وەک کەسێکی سەیر هەڵسوکەوت دەکات کاتێک داوای بانگهێشتکردنی فەرمی دەکات لە مەراسیمی سوێند خواردن بەڵام دواتر وا خۆی نیشان دەدات کە بڕیاریداوە نەچێت.

 

لەلایەکی دیکەوە: دۆناڵد ترەمپ، سەرۆکی ئەمریکا ڕایگەیاند: سەرۆکی ئۆکراینا بانگهێشت ناکەم بۆ مەراسیمی سوێند خواردنەکەم بەڵام ئەگەر خۆی ئارەزووی لێە با بێت.

 

ئەوەی پێویستە بیزانیت: ئەمڕۆ مەراسیمی سوێند خواردنی ترەمپ لە هۆڵ بازنەی کاپیتاڵ بەڕێوەدەچێت.