شاندی وەزارەتی دارایی عێراق بۆ چوار مەبەست لە هەولێرن

ئاڤا نیوز

شاندێکی تەکنیکی وەزارەتی دارایی عێراق لەهەولێرە و بۆ سێ ئامانج چەند دیدار و کۆبوونەوەیەکیان لەگەڵ هاوتاکانیان لە وەزارەتی دارایی و ئابووری هەرێمی کوردستان دەبێت.

وێنە گەورەکە: وەزارەتی دارایی عێراق بەدواداچوون بۆ مەرج و داواکارییەکانی لە وەزارەتی دارایی و ئابووری هەرێمی کوردستان دەکات، بۆ ئەوە مەبەستەش ماوە ماوە شاندی تەکنیکی دەنێرێتە هەرێمی کوردستان و لەگەڵ هاوتاکانیان کۆدەبنەوە.

زانیاریی تایبەت: سەرچاوەیەکی باڵا لە وەزارەتی دارایی و ئابووری هەرێمی کوردستان بە ئاڤای گوت، "شاندێکی پێنج کەسی وەزارەتی دارایی فیدڕاڵ بۆ بەدواداچوون لە تەرازووی پێداچوونەوە، ناوی دووبارە و کەیسی هاوتاکردنی مووچەی خانەنشینان لەهەولێرن."

 

- شاندەی دارایی عێراق تێبنی خۆیان لەسەر ئامادەکردنی لیستی مووچەی فەرمانبەران دەدەنە وەزارەتی دارایی هەرێمی کوردستان.

لە لایەکی دیکەوە: دوێنێ شاندی کوردستان لەگەڵ تەیف سامی و شاندی عێراق لەبارەی بودجە و مووچەی خەڵکی کوردستان کۆبوونەوە، بڕیارە یەکشەممەی داهاتووش کۆبوونەوەیەکی دیکە لەبارەی مووچە لەنێوان هەولێر و بەغدا بکرێت و  بڕیاری پێویست لەسەر ماف و شایستە داراییەکانی هەرێمی کوردستان بدرێت و ڕاسپاردەی پێویستیش ئاڕاستەی ئەنجوومەنی وەزیرانی عێراق بکرێت.