سعوودیە خواستی هەیە پەیوەندییەکانی لەگەڵ هەرێمی کوردستان گەشە پێبدات

ئاڤا نیوز

 

مەسرور بارزانی، سەرۆکوەزیرانی حکومەتی هەرێمی کوردستان لەگەڵ وەزیری وەبەرهێنانی سعوودیە کۆبووەوە و پەرەپێدانیان بە پەیوەندی دوولایەنە دووپات کردەوە. 

 

وێنە گەورەکە: لە کۆڕبەندی ئابووری جیهان لە داڤۆس، سەرۆکوەزیران مەسرور بارزانی، چەندین دیدار و کۆبوونەوەی گرنگی ئەنجامداوە بە ئامانجی بوژاندنەوەی ئابووری هەرێمی کوردستان و فەرەچەشنکردنی سەرچاوەکانی داهات. 

 

زانیاریی زیاتر: کۆبوونەوەی نێوان مەسرور بارزانی، سەرۆکی حکومەتی هەرێمی کوردستان، لە پەراوێزی کۆڕبەندی ئابووريی داڤۆس، لەگەڵ خالید ئەلفالح، وەزیری وەبەرهێنانی سعوودیە تایبەت بوو بە باسکردن لە پەیوەندی نێوان هەرێمی کوردستان و سعوودیە، هاوکات سعوودیە خواستی وڵاتەکەی بۆ پەرەپێدانی پەیوەندیی دوولایەنە دووپات کردەوە.

 

سەرۆکوەزیران، مەسرور بارزانی وێڕای ئاماژەدان بە پەیوەندیی لەمێژینەی نێوان هەرێمی کوردستان و سعوودیە، ئامادەیی هەرێمی کوردستانیشی بۆ بەهێزکردنی پەیوەندییەکان لەگەڵ سعوودیە دەربڕی.