کۆشکی سپی: بەردەوام دەبین بۆ دەستەبەرکردنی ئاشتی لە ڕۆژهەڵاتی ناوەڕاست

ئاڤا نیوز

لە درێژەی ڕێککەوتنەکانی ئاگربەستی غەززە کە بە نێوەندگیری ئەمریکا، میسر و قەتەر کرا، ئەمڕۆ چوار بارمتەی ئیسرائیلی لە لایەن حەماسەوە ئازادکران. 

چیڕۆکی سەرەکی: ڕۆژی 2025-1-19، ئاگربەستی نێوان ئیسرائیل و حەماس بە سێ قۆناغ چووە بواری جێبەجێکردنەوە و لە چوارچێوەی قۆناغی یەکەمی ئاگربەستەکەشدا، ئاڵوگۆڕی دیلەکان لە نێوان ئیسرائیل و حەماسدا کرا.

ڕاگەێینراوی فەرمی: کۆشکی سپی ڕایگەیاند، ئەمڕۆ جیهان ئاهەنگ دەگێڕێت چونکە بە هەوڵی سەرۆک ترەمپ چوار بارمتەی ئیسرائیل ئازادکران، کە ماوەیەکی زۆرە بەپێچەوانەی ویستی خۆیان لەلایەن حەماسەوە لە بارودۆخێکی ترسناکدا دەستبەسەرکرابوون.

 

 

ئاماژە بەوەشکراوە، ئەمریکا لەگەڵ ئیسرائیل بەردەوام دەبێت بۆ ئازادکردنی هەموو بارمتەکان، هەروەها هەوڵدان بۆ دەستەبەرکردنی ئاشتی لە ناوچەکەدا.

باکگراوند: بۆ دووەمجار ئاڵوگۆڕ پێکردنی دیلەکان لە قۆناغی یەکەمی ڕاگەیاندنی ئاگربەست ئەنجامدرا، حەماس چوار بارمتەی ئیسرائیلی ئازادکرد لەبەرامبەریشدا ئیسرائیل 200 زیندانیکراوی فەڵەستینی ئازاد کرد.