داعش لە 24 کاتژمێری ڕابردوودا دوو هێرشی لە ڕۆژئاوای کوردستان ئەنجام داوە

ئاڤا نیوز

 

چەكدارانی داعش لەماوەی 24 کاتژمێری ڕابردوودا دوو هێرشیان لە ڕۆژئاوای كوردستان ئەنجامداوە و بەگوێرەی ئامارە سەرەتاییەکانیش ئەندامێكی سەر بە هێزە ئەمنییەكان كوژراوە و یەكێكی دیكەش بریندار بووە.

 

چیرۆکی سەرەکی: شانە نووستووەكانی داعش لە ماوەی 24 كاتژمێری ڕابردوودا، دوو هێرشیان بۆ سەر دەوروبەری حەسەكە لە ڕۆژئاوای كوردستان ئەنجامداوە، لە كردەیەكدا چوار چەكداری داعش لەڕێگەی ماتۆڕسكیلەوە پەلاماری خاڵێكی پشكنینیان داوە لەسەر ڕێگەی نێوان حەسەكە و ڕەقە كە تایبەتە بە هێزە ئەمنییەكانی ناوخۆی شاری حەسەكە.

 

زانیاریی زیاتر:  هێرشی دووەمی داعش خاڵێكی پشكنینی سەر بە هێزەكانی هەسەدەیان لە نزیك گوندی حینوە سەر بە شارۆچكەی تەل حەمیس بەئامانج گرتووە، لە هەردوو هێرشەكەش، چەكدارانی داعش بەرپەرچ دراونەتەوە و هێشتا ئاماری فەرمی زیانە مرۆییەكان ئاشكرا نەكراوە.

 

ڕاگەیێنراوی فەرمی: بەگوێرەی میدیاكانی نزیک لە هەسەدە، بەهۆی پەلامارەكانی داعش، ئەندامێكی هێزە ئەمنییەكان كوژراوە و یەكێكی دیكەش بریندار بووە.